ԵՐԵՎԱՆ, 7 հոկտեմբերի – Sputnik. Երևանում այսօր խոշոր ավտովթար է տեղի ունեցել։ Ժամը 15։30-ի սահմաններում Աճառյան փողոցում բախվել են «ՎԱԶ- 21099» մակնիշի ավտոմեքենան և Scania մակնիշի ցեմենտ տեղափոխող բեռնատարը, հայտնում է shamshyan.com-ը։
Վթարից հետո VAZ 21099-ի վարորդին մեքենայից դուրս են բերել հրշեջ-փրկարարները` կիրառելով հատուկ տեխնիկա։ Նրան տեղափոխվել են «Սուրբ Գրիգոր Լուսավորիչ» բժշկական կենտրոն։ Բժիշկները նրա վիճակը գնահատել են ծայրահեղ ծանր։
Վթարի փաստով նախաձեռնվել է վարույթ։
Պարեկային ծառայությունն ու քննչական բաժինը պարզում են վարորդների ինքնությունը։
Կայքի փոխանցմամբ` ըստ նախնական տեղեկությունների՝ վթարի մեղավորը եղել է Scania-ի վարորդը, որը չթույլատրելի հատվածով փորձել է հատել փողոցը` վթարային իրավիճակ ստեղծելով մյուս վարորդների համար։