ԵՐԵՎԱՆ, 6 հոկտեմբերի – Sputnik. Պրահայում մեկնարկել է Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը։
Հանդիպումը տեղի է ունենում Պրահայում, որտեղ հավաքվել են ԵՄ անդամ և գործընկեր չորս տասնյակից ավելի երկրների ղեկավարներ. այստեղ անցկացվել է Եվրոպական քաղաքական համայնքի գագաթնաժողովը։
Պրահայում մեկնարկել է Փաշինյան-Էրդողան հանդիպումը
© Photo : press office of the Government of RA
Նշենք, որ մինչ այդ կայացել էր քառակողմ հանդիպումը` Հայաստանի վարչապետ Նիկոլ Փաշինյանի, Ֆրանսիայի նախագահ Էմանուել Մակրոնի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի մասնակցությամբ, ինչպես նաև Փաշինյան–Էրդողան–Ալիև ոչ ֆորմալ հանդիպումը։
Քառակողմ հանդիպման հետ կապված առայժմ մանրամասներ չկան։