ԵՐԵՎԱՆ, 3 հոկտեմբերի – Sputnik. Oգոստոսին և սեպտեմբերին ԱԻՆ Ճգնաժամային կառավարման ազգային կենտրոնի 911 ահազանգման ծառայությունը 117․330 զանգ է սպասարկել, որից 3411-ը արտակարգ դեպք ու պատահար են եղել: Տեղեկությունը ֆեյսբուքյան իր էջում հայտնում է ՀՀ արտակարգ իրավիճակների նախարար Արմեն Փամբուխչյանը։
«Արտակարգ դեպքերի, պատահարների հետևանքով զոհվել է 132, տուժել՝ 17589 մարդ»,–նշված է հաղորդագրության մեջ:
Նախարարի խոսքով`ադրբեջանական ագրեսիայի հետևանքով սեպտեմբերի 13-ից Գեղարքունիքի, Վայոց Ձորի և Սյունիքի մարզային փրկարարական վարչությունները ԱԻ նախարարի հրամանով մինչ օրս իրականացնում են ուժեղացված ծառայություն, սահմանվել է զինված հերթապահություն։
Բացի այդ, «Սեյսմիկ պաշտպանության տարածքային ծառայություն» ՊՈԱԿ-ում լրացվել է 253 երկրաշարժի տվյալ, որից ամենաուժեղը տեղի է ունեցել սեպտեմբերի 21-ին Իրանում՝ Խոյ քաղաքից 33 կմ հարավ-արևելք (5.4 մագնիտուդ)։