ԵՐԵՎԱՆ, 27 սեպտեմբերի - Sputnik. Այսօր ժամը 07։50-ի սահմաններում, Արմավիրի մարզի Սարդարապատ-Նոր Արմավիր ավտոճանապարհի 3-րդ կմ հատվածում բախվել են Mercedes և VAZ 2107 մակնիշի ավտոմեքենաները։
Տեղեկությունը հայտնում է Shamshyan.com-ը։
Վթարի հետևանքով 6 հոգի մարմնական վնասվածքներով տեղափոխվել են «Արմավիր» բժշկական կենտրոն։
Վիրավորներից մեկը, գիտակցության չգալով, հիվանդանոցում մահացել է։ Վարորդների, մահացածի և վիրավորների ինքնությունը պարզվում է։
ՀՀ ոստիկանությունից էլ ավելի ուշ հայտնեցին, որ սեպտեմբերի 27-ին, ժամը 07.30-ի սահմաններում, Սարդարապատ-Նոր Արմավիր ճանապարհի 2-րդ կմ-ին իրար են բախվել «Մերսեդես» և «ՎԱԶ-21074» մակնիշի մեքենաներ: «ՎԱԶ-21074»-ի վարորդը՝ 28-ամյա Ն. Հովհաննիսյանը, մահացել է, իսկ չորս ուղևորները և «Մերսեդեսի» վարորդը մարմնական վնասվածքներով տեղափոխվել են հիվանդանոց: