ԵՐԵՎԱՆ, 22 սեպտեմբերի – Sputnik. «Խոսրովի անտառ» պետական արգելոցի տարածքում առկա է հրդեհի 3 ծխացող օջախ, տեղեկությունը հայտնում է ԱԻՆ–ը։
Երեկ երեկոյան հրդեհ էր բռնկվել Գառնի գյուղից Խոսրովի արգելոց տանող ճանապարհին։ Համայնքային տարածքում այրվում էին մոտ 40 հա խոտածածկույթ և թփեր, իսկ Խոսրովի անտառի «Եղնիկի դուրան» կոչվող հատվածում՝ մոտ 1․5 հա խոտածածկույթ և 25 ծառ։
ԱԻՆ–ը հայտնում է, որ ժամը 20։08-ին փրկարարների և անտառտնտեսության 5 աշխատակցի կողմից Խոսրովի անտառում սահմանվել է հերթապահություն։