ԵՐԵՎԱՆ, 22 սեպտեմբերի – Sputnik. Ռուսաստանի ԱԳՆ-ն համաձայնություն է տվել Հայաստանում ԱՄՆ դեսպան Լին Թրեյսիին ՌԴ–ում դեսպան նշանակելու ԱՄՆ-ի որոշմանը։ Ինչպես հայտում է ՌԴ ԱԳՆ-ն, ռուսական կողմը համաձայնություն է տվել որոշ ժամանակ առաջ ստացած Թրեյսիի թեկնածության մասին ԱՄՆ-ի առաջարկին։
Ինչպես արդեն հայտնել ենք, ԱՄՆ-ը սեպտեմբերի 14-ին Ռուսաստանին էր ներկայացրել Լին Թրեյսիի թեկնածությունը` Մոսկվայում դիվանագիտական առաքելության նոր ղեկավարի պաշտոնում և հույս հայտնել, որ նրա նշանակումը շուտով կկայանա։
Թրեյսին այդ պաշտոնում փոխարինելու է ամերիկացի դիվանագետ Ջոն Սալիվանին, ով սեպտեմբերի սկզբին հրաժարական էր տվել:
Թրեյսին Հայաստանում ԱՄՆ դեսպան էր նշանակվել 2019 թվականի փետրվարին։ Շուտով նրա դիվանագիտական առաքելությունը ՀՀ–ում ավարտվելու է։ Նրան Հայաստանում կփոխարինի ամերիկացի դիվանագետ, Ուկրաինայում ԱՄՆ գործերի ժամանակավոր հավատարմատար Քրիստինա Քվիենը։