ԵՐԵՎԱՆ, 17 սեպտեմբերի – Sputnik. Սերբիայի Նովի Սադ քաղաքում շարունակվող Եվրոպայի սամբոյի առաջնությունում Մաքսիմ Մանուկյանը բրոնզե մեդալ է նվաճել, հայտնում է Հայաստանի սամբոյի ֆեդերացիան։
Այսօր ասպարեզ են մտել մեծերը: Բորիս Շատվերյանը և Վաչիկ Վարդանյանը պարտվել են առաջին գոտեմարտերում և դուրս մնացել պայքարից:
Ոսկե մեդալ ունենալու իրական հնարավորություն ունեն մարզական սամբոյի 98 կգ քաշային Արսեն Խանջյանն ու մարտական սամբոյի 58 կգ քաշային Համլետ Սուքիասյանը. նրանք եզրափակչում են:
Հիշեցնենք, որ Հայաստանի պատանեկան հավաքականը սեպտեմբերի 15-ին նվաճեց 1 ոսկե, 2 արծաթե, մեկ բրոնզե մեդալ, իսկ սեպտեմբերի 16-ին` 6 մեդալ, որից 2-ը ոսկե, 4-ը բրոնզե: