Հայ մարզիկները ոսկե մեդալներ են նվաճել Սամբոյի Եվրոպայի առաջնությունում

ԵՐԵՎԱՆ, 16 սեպտեմբերի - Sputnik. Հայաստանի սամբոյի հավաքականի անդամներ Աշիկ Անդրյանն (58 կգ) ու Գոռ Հարությունյանը (88 կգ) ոսկե մեդալներ են նվաճել Եվրոպայի առաջնությունում, հայտնում է ՀՍՖ-ից Վարդան Օնանյանը։

Տեղեկացնենք, որ երեկ՝ մրցումների առաջին օրը մրցագորգերում պայքարեցին պատանիները: Հայաստանի հավաքականի 4 մարզիկ արժանացան մեդալների:

Աղջնակների 47 կգ քաշային կարգում Աննա Այվազյանին բաժին հասավ բրոնզե մեդալ, տղաների 53 կգ քաշային Ռոբերտ Սիմոնյանը և 98 կգ քաշային Աղվան Պետրոսյանը գրավեցին երկրորդ տեղը, իսկ գերծանր քաշային Էրիկ Սաղաթելյանը հաղթեց բոլոր գոտեմարտերում և դարձավ Եվրոպայի առաջնության չեմպիոն:

Առաջին անգամ նման առաջնություն կազմակերպվում է երեք տարիքային խմբերում՝ պատանիներ, երիտասարդներ, մեծեր: