ՀՀ Սահմանադրական դատարանը երկու նոր դատավոր ունի

ԵՐԵՎԱՆ, 15 սեպտեմբերի – Sputnik. ԱԺ-ն փակ քվեարկությամբ ՍԴ դատավորներ ընտրեց Հովակիմ Հովակիմյանին և Սեդա Սաֆարյանին։ Տեղեկությունը հայտնեց ԱԺ հաշվիչ հանձնախմբի նախագահ Նարեկ Բաբայանը։

Սեդա Սաֆարյանն ու Հովակիմ Հովակիմյանն ընտրվել են 65 կողմ ձայնով, 0 անվավեր ձայներով։

Նշենք, որ ընդդիմադիրները չեն մասնակցել քվեարկությանը։

Հիշեցնենք, որ Սեդա Սաֆարյանը Սահմանադրական դատարանում կփոխարինի Արևիկ Պետրոսյանին։ Սաֆարյանի թեկնածությունն առաջադրել էր կառավարությունը։

Ինչ վերաբերում է Հովակիմ Հովակիմյանին, ապա նրա թեկնածությունն էլ ՀՀ նախագահն էր առաջադրել։ Հովակիմյանը կփոխարինի Սահմանադրական դատարանի դատավոր Աշոտ Խաչատրյանին: