ԵՐԵՎԱՆ, 14 փետրվարի - Sputnik. Թեհրաննանհանգստացած է «Լեռնային Ղարաբաղի շրջանում» նոր սրացումով և հանդես է գալիս Իրան-Հայաստան սահմանի անփոփոխ մնալու օգտին: Այս մասին այսօր հայտարարել է Իրանի արտգործնախարար Հոսեյն Ամիր Աբդոլլահիանն իր ադրբեջանցի գործընկեր Ջեյհուն Բայրամովի հետ հեռախոսազրույցի ընթացքում։ Նրա խոսքը մեջբերում է ՏԱՍՍ-ը։
«Մենք Իրանի և Հայաստանի սահմանը համարում ենք հաղորդակցության պատմական ուղի, և այն չպետք է փոփոխությունների ենթարկվի»,-Ամիր Աբդոլլահիյանի խոսքը մեջբերում է Իրանի արտաքին քաղաքական գերատեսչության մամուլի ծառայությունը։
Հաղորդագրության համաձայն` Իրանի ԱԳՆ ղեկավարը խիստ մտահոգություն է հայտնել ադրբեջանական և հայկական ուժերի միջև նոր բախումների կապակցությամբ և հաստատել է, որ Թեհրանը պատրաստ է օգնել խնդիրը լուծել խաղաղ քաղաքական ճանապարհով»:
Իրանի ԱԳՆ-ում ընդգծել են, որ տարածաշրջանը չի կարող հաշտվել նոր պատերազմի հետ և կոչ են արել հակամարտող կողմերին զսպվածություն ցուցաբերել:
Հիշեցնենք` սեպտեմբերի 13-ին, ժամը 00:05-ից Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաև ԱԹՍ-ներ:
Այսօր ժամը 8։00–ից ադրբեջանցիները կրկին հրետակոծում են Ջերմուկն ու Վերին Շորժան, իսկ ավելի ուշ մարտերը վերսկսվել են նաև Սյունիքի մարզի Իշխանասարի հատվածում։
Նիկոլ Փաշինյանը խորհրդարանում հարցուպատասխանի ժամանակ հայտնեց, որ սեպտեմբերի 14–ի դրությամբ հայկական կողմն ունի 105 զոհ։