ԵՐԵՎԱՆ, 7 սեպտեմբերի – Sputnik. Ռումինիայի Մամայա քաղաքում մեկնարկել է շախմատի աշխարհի պատանիների (14-18 տարեկան) առաջնությունը, որին մասնակցում են նաև Հայաստանի ներկայացուցիչները։ Տեղեկությունը հայտնում է ԿԳՄՍՆ–ն։
Նշվում է, որ Հայաստանը մրցաշարին ներկայացված է 12 շախմատիստով, որոնք հանդես կգան մինչև 14, 16 և 18 տարեկանների խմբերում:
Հայաստանի թիմում ընդգրկված են Բենիկ Աղասարովը, Ռուդոլֆ Փաշիկյանը, Էմին Օհանյանը, Արսեն Դավթյանը, Ալեքս Սահակյանը, Մամիկոն Ղարիբյանը, Սարգիս Սարգսյանը, Անի Ավետիսյանը, Մարիա Գալստյանը, Մարիամ Խաչատրյանը, Մարիամ Մկրտչյանը և Վերոնիկա Խաչատրյանը:
Աշխարհի պատանեկան առաջնությունը մեկնարկել է սեպտեմբերի 5-ին և կտևի մինչև սեպտեմբերի 17-ը: