ԵՐԵՎԱՆ, 6 սեպտեմբերի – Sputnik. Ուկրաինայի ԶՈւ-ն հրթիռակոծել է Խերսոնի մոտ գտնվող ածխային բազան։ Տեղեկությունը ՌԻԱ Նովոստիին հայտնել է քաղաքապետարանի մամուլի քարտուղար Գլորիա Նեդելյակովան։
«Այսօր ցերեկն ածխային բազայի վրա հրթիռ է եկել, տուժածներ չկան, այնտեղ ոչ ոք չի եղել», - ասել է նա:
ՌԻԱ Նովոստիի տրամադրության տակ հայտնված տեսանյութում երևում են կրակն ու սև ծխի քուլաները, որոնք բարձրանում են քաղաքի վրա:
Այսօր ցերեկը Խերսոնում մի շարք պայթյուններ են որոտացել, ենթադրաբար, աշխատել է ռուսական ՀՕՊ համակարգը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 194-րդ օրը։