ԵՐԵՎԱՆ, 5 սեպտեմբերի – Sputnik. Կարենիս գյուղի ավազահանքի մոտակա ջրավազանից 2002-ին ծնված քաղաքացու դի են դուրս բերել, տեղեկությունը հայտնում է ԱԻ նախարարությունը։
Նշվում է, որ սեպտեմբերի 5-ին, ժամը 10:59-ին ահազանգ է ստացվել, որ Կարենիս գյուղի ավազահանքի մոտակա ջրավազանում դի կա. դուրս բերելու համար անհրաժեշտ է փրկարարների օգնությունը:
Դեպքի վայր են մեկնել հրշեջ-փրկարարական ջոկատից մեկ մարտական հաշվարկ և փրկարարական խումբը։
Փրկարարները ջրավազանից դուրս են բերել Լ․ Ե․-ի դին և մոտեցրել շտապօգնության ավտոմեքենային: