ԵՐԵՎԱՆ, 29 օգոստոսի – Sputnik. Գերմանիայի Դաշնային Հանրապետության ԱԳՆ ներկայացուցիչ Քրիստոֆեր Բուրգերը հայտարարել է, որ գերատեսչությունում խելամիտ չեն համարում ռուսաստանցիներին շենգենյան վիզաներ տրամադրելու արգելքը:
«Մենք հասկանում ենք, որ ԵՄ-ում այդ ամենի հետ կապված տարբեր հեռանկարներ կան, քանի որ ԵՄ անդամ պետություններում տարբեր իրավիճակներ են։ Կարևոր է լսել միմյանց և լուծումներ փնտրել, որոնք ընդունելի կլինեն բոլորի համար»,- ասել է Բուրգերը։
Ավելի վաղ նա հայտնել էր, որ Գերմանիայի արտգործնախարար Աննալենա Բերբոկը օգոստոսի 30-ին և 31-ին կմասնակցի ԵՄ ԱԳ ղեկավարների ոչ պաշտոնական հանդիպմանը, որի ընթացքում քննարկվելու է Ռուսաստանի հետ վիզային հարաբերությունների հարցը։ Հանդիպումը կայանալու է Պրահայում։