ԵՐԵՎԱՆ, 25 օգոստոսի – Sputnik. Նոր Զելանդիայում Ուկրաինայի նախկին պատվավոր հյուպատոս Ալեքսանդր Կիրիչուկը հայտարարել է, որ լքել է պաշտոնը Ուկրաինայի իշխանությունների հետ անհամաձայնության պատճառով։ Այս մասին գրում է The Guardian-ը։
Ավելի վաղ Նոր Զելանդիայի զինված ուժերը հայտնել են, որ տեղեկություն են ստացել Ուկրաինայում նորզելանդացի վարձկանի մահվան մասին։ Վետերանների նորզելանդական կազմակերպության ներկայացուցիչ Նո Դաֆ Ահարոն Վուդի խոսքով՝ Նոր Զելանդիայից տասնյակ վարձկաններ մարտական և ոչ մարտական առաջադրանքեր են իրագործում Ուկրաինայում։
Կիրիչուկի խոսքով՝ ինքը չի համաձայնել Ուկրաինայի իշխանությունների կոչերին, որոնք ուղղված էին օտարերկրացիներին՝ կռվել Կիևի կողմից։
Նա նշել է, որ ստիպված է եղել պատասխանել Նոր Զելանդիայի բնակիչների բազմաթիվ խնդրանքներին՝ անդամակցելու Ուկրաինայի միջազգային լեգեոնին։
Հուլիսին Ռուսաստանի պաշտպանության նախարարության հրապարակած տվյալների համաձայն` փետրվարի 24-ից Ուկրաինա է ժամանել ավելի քան 7000 վարձկան 60 և ավելի երկրներից՝ Եվրոպայից և Ասիայից մինչև Ամերիկա և Աֆրիկայից մինչև Ավստրալիա։