ԵՐԵՎԱՆ, 24 օգոստոսի – Sputnik. Զապորոժիեի մարզի Միխայլովկա գյուղի վարչական ղեկավար Իվան Սուշկոն մահացել է ավտոմեքենայի պայթյունի հետևանքով։ Այս մասին հայտնում է Զապորոժիեի մարզպետարանի անդամ Վլադիմիր Ռոգովը։
«Մեքենայի նստատեղի տակ պայթուցիկ սարք էին տեղադրել։ Պայթյունի հետևանքով Իվան Սուշկոն վիրավորվել է և ծայրահեղ վիճակում հիվանդանոց տեղափոխվել, որտեղ և մահացել է»,- հայտնել է նա։
Ավելի վաղ Խերսոնում մահափորձ է կատարվել ՌԴ ԶՈւ ենթակայության տակ գտնվող Խերսոնի մարզի վարչակազմի ներքին քաղաքականության դեպարտամենտի ղեկավարի տեղակալ Իգոր Տելեգինի նկատմամբ։ Պայթյունի ժամանակ նա չի տուժել։