ԵՐԵՎԱՆ, 24 օգոստոսի – Sputnik. Երևանի և Նիժնի Նովգորոդի միջև հնարավոր են փոխգործակցության բազմաթիվ ուղղություններ։ Նման միտք է հայտնել Նիժնի Նովգորոդի քաղաքապետ Յուրի Շալաբաևը` Երևանի քաղաքապետի առաջին տեղակալ Լևոն Հովհաննիսյանի գլխավորած պատվիրակության հետ հանդիպման ժամանակ։
Երևանի քաղաքապետարանի պատվիրակությունը Յուրի Շալաբաևի հրավերով Նիժնի Նովգորոդում է
© Photo : press office of Yerevan municipality
Նշենք, որ Երևանի քաղաքապետարանի պատվիրակությունը Յուրի Շալաբաևի հրավերով այցելել է Նիժնի Նովգորոդ՝ մասնակցելու քաղաքի օրվան նվիրված միջոցառումներին:
Հանդիպման ընթացքում կողմերը քննարկել երկու քաղաքների միջև համագործակցության մեկնարկի հետ կապված հարցեր:
«Հայկական մշակույթը աշխարհի հնագույններից մեկն է, Երևանն էլ նշել է 2800- ամյակը: Նիժնի Նովգորոդը ևս ունի հարուստ մշակույթ և ավանդույթներ: Մենք կարող ենք համագործակցել բազմաթիվ ոլորտներում՝ մշակույթ, կրթություն, սոցիալական քաղաքականություն, սպորտ, տնտեսական հարաբերություններ: Հուսով ենք՝ հետագայում կկարողանանք ստորագրել բարեկամական հարաբերություններ հաստատելու համաձայնագիր և կշարունակենք մեր երկկողմ հարաբերությունները նոր մակարդակում»,–ասել է Յուրի Շալաբաևը:
Երևանի քաղաքապետի առաջին տեղակալ Լևոն Հովհաննիսյանն իր հերթին ընդգծել է, որ երկու քաղաքների միջև կա փոխադարձ ըմբռնում և ցանկություն գործընկերական կապեր հաստատելու ուղղությամբ:
Երևանի քաղաքապետարանի պատվիրակությունը Յուրի Շալաբաևի հրավերով Նիժնի Նովգորոդում է
© Photo : press office of Yerevan municipality
«Սա նաև լավ հարթակ է՝ քննարկելու հնարավոր գործակցության ուղղությունները: Վստահ եմ`բացի հումանիտար և մշակութային ոլորտներից, հեռանկարային են սոցիալական, առևտրատնտեսական բնագավառներում համատեղ ծրագրերը, նաև երիտասարդության միջև կապերի ամրապնդումը»,-նշել է Հովհաննիսյանը:
Երևանի քաղաքապետարանի պատվիրակությունը Յուրի Շալաբաևի հրավերով Նիժնի Նովգորոդում է
© Photo : press office of Yerevan municipality
Կողմերը պայմանավորվել են իրատեսական ուղղություններով համագործակցություն հաստատելու նպատակով նախապատրաստել համապատասխան համաձայնագրի նախագիծ: