Երևան-Օմսկ ուղիղ չվերթի հնարավորությունն են քննարկել Գնել Սանոսյանն ու Ալեքսանդր Բուրկովը

ԵՐԵՎԱՆ, 24 օգոստոսի – Sputnik. Երևան-Օմսկ ուղիղ չվերթերը կնպաստեն ապրանքաշրջանառության աճին: Այս մասին ՀՀ տարածքային կառավարման և ենթակառուցվածքների նախարար Գնել Սանոսյանն ասել է ՌԴ Օմսկի նահանգապետ Ալեքսանդր Բուրկովին, որի գլխավորած պատվիրակության հետ հանդիպել է այսօր։ Տեղեկությունն իր ֆեյսբուքյան էջում հայտնել է Սանոսյանը։

Հանդիպման ժամանակ քննարկվել է Հայաստանի և Օմսկի մարզի միջև առկա առևտրատնտեսական կապերի խորացման, պարենային ապրանքների փոխադարձ մատակարարումների ավելացման, շինարարության ոլորտում համագործակցության հնարավորությունների վերաբերյալ հարցեր։

Սանոսյանը կարևորել է նահանգապետի այցը Հայաստան, շեշտել Հայաստանի և Օմսկի նահանգի միջև առկա փոխգործակցության խորացման անհրաժեշտությունը։

Հիշեցնենք` ավելի վաղ Օմսկի նահանգապետ Ալեքսանդր Բուրկովի գլխավորած պատվիրակությանն ընդունել էին ՀՀ վարչապետ Նիկոլ Փաշինյանը և ԿԳՄՍ նախարար Վահրամ Դումանյանը: