ԵՐԵՎԱՆ, 21 օգոստոսի – Sputnik. Հայաստանի բռնցքամարտի պատանիների հավաքականը 6 մեդալ է նվաճել Թուրքիայում կայացած Եվրոպայի կրտսեր տարիքի պատանիների առաջնությունում, տեղեկանում ենք Հայաստանի բռնցքամարտի ֆեդերացիայի ֆեյսբուքյան էջից։
Հայտնել էինք, որ ոսկե մեդալներ են նվաճել Համեստ Աֆրիկյանն (42 կգ) ու Սամվել Սիրամարգյանը (66 կգ)։
Բացի դրանից, 4 հայ մարզիկներ էլ բրոնզե մեդալներ են նվաճել։ Այսպես` ԵԱ-ում մեդալներ են նվաճել նաև Վահրամ Դովլաթբեկյանը (40 կգ), Տիգրան Հովսեփյանը (50 կգ), Ալեն Ստեփանյանը (57 կգ) և Հայկ Ղահրամանյանը (75 կգ)։
Հիշեցնենք, որ օգոստոսի 10-21-ը Թուրքիայում անցկացվող Եվրոպայի պատանիների առաջնությունում Հայաստանը ներկայացնում էին 15 տղա և 5 աղջիկ: