ԵՐԵՎԱՆ, 17 օգոստոսի – Sputnik. Երևանի Պռոշյան-Դեմիրճյան փողոցների խաչմերուկում «Ford Transit» մակնիշի ավտոմեքենա է այրվել։ Տեղեկությունը հայտնում է ՀՀ արտակարգ իրավիճակների նախարարությունը։
Ըստ հաղորդագրության` Ճգնաժամային կառավարման ազգային կենտրոնն ահազանգը ստացել է ժամը 18։43-ին։
Դեպքի վայր է մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Հրդեհը մեկուսացվել է ժամը 18։53-ին, մարվել՝ 18։57-ին։ Այրվել են ավտոմեքենայի շարժիչի հատվածը և սրահը։