ԵՐԵՎԱՆ, 16 օգոստոսի – Sputnik. Էրզրումում ընթացող բռնցքամարտի Եվրոպայի բռնցքամարտի պատանիների առաջնությունում Հայաստանի մասնակիցներն արդեն երկու մեդալ են ապահովել։
Այս մասին հայտնում է Հայաստանի բռնցքամարտի ֆեդերացիայի մամուլի ծառայությունը:
Մրցումների 4-րդ օրը` այսօր, 1/4 եզրափակիչում հաղթանակ է տոնել ու կիսաեզրափակիչ դուրս եկել 66 կգ քաշային Սամվել Սիրամարգյանը։
Քառորդ եզրափակիչում մեր մարզիկը մրցել է Իսրայելը ներկայացնող Էրիկ Լալմիևի հետ ու, հաղթելով մեծ առավելությամբ, ապահովել առնվազն բրոնզե մեդալ։
Հիշեցնենք, որ օգոստոսի 14-ին բրոնզե մեդալ էր շահել նաև 42 կգ քաշային Համեստ Աֆրիկյանը, որը հաղթել էր Ադրբեջանի ներկայացուցչին։