ԵՐԵՎԱՆ, 16 օգոստոսի – Sputnik. Երևանի «Սուրմալուում» անհետ կորած համարվող քաղաքացիներից 2–ը ողջ են, հայտնում է ԱԻ մամուլի քարտուղար Հայկ Կոստանյանը։
«ՀՀ–ում Իրանի Իսլամական Հանրապետության դեսպանատնից հայտնել են, որ ենթադրյալ անհետ կորած իրենց քաղաքացին այս պահին Վրաստանում է։ Ենթադրյալ անհետ կորած համարվող քաղաքացիներից մեկն էլհայտնել է, որ «Սուրմալուի» տարածքում չի եղել»,– նշել է Կոստանյանը։
Այս պահին առևտրի կենտրոնի տարածքում անհետ կորած է համարվում 4 հոգի, իսկ մինչ այդ նրանց թիվը 6-ն էր։ Նրանք են`
1․ Գագիկ Կարապետյան
2․ Արտավազդ Հայրապետյան
3․ Վանիկ Ամիրխանյան
4․ Կսենիա Բադալյան (ծնված 1981 թ․)։
Հիշեցնենք՝ «Սուրմալու» առևտրի կենտրոնում պայթյուն է տեղի ունեցել օգոստոսի 14-ին՝ մոտավորապես 13։23-ին։ 16 մարդ մահացել է։
Երևանի ԲԿ–ներ 3 օրվա ընթացքում դիմել է 62 քաղաքացի, սակայն այժմ ստացիոնար բուժում ստանում է 7 անձ։