«Սուրմալու» առևտրի կենտրոնում հայտնաբերված դիերից ևս մեկի ինքնությունը պարզվել է. ԱԻՆ

ԵՐԵՎԱՆ, 16 օգոստոսի – Sputnik. «Սուրմալու» առևտրի կենտրոնի փլատակներից հայտնաբերված դիերից ևս մեկի ինքնությունը պարզվել է։ Ըստ այդմ` 16 զոհերից 14-ի ինքնությունն է հայտնի։

Տեղեկությունը հայտնում է ՀՀ արտակարգ իրավիճակների նախարարությունը` հրապարակելով նրանց անունները` Միսակ Պատվականի Մարգարյան (ծնված 1964 թ․), Անահիտ Վազգենի Մխիթարյան (ծնված 1967 թ․), Ջեմմա Սարգսի Նազարյան (ծնված 1960 թ․), Անահիտ Զարզանդի Խալաթյան, Վարդան Գուրգենի Քոչարյան (ծնված 1960 թ․), Գայանե Արտավազդի Ավետիսյան (ծնված 1966 թ․), Արամ Կոմիսարի Հայրապետյան (ծնված 1980 թ․), Վաչագան Վահագնի Եղոյան (ծնված 2000 թ․), Էռնա Մանվելի Գրիգորյան (ծնված 1980 թ․), Հարություն Սամվելի Գարաքյան (ծնված 1987 թ․), Մարիամ Արմենի Խաչատրյան (ծնված 1992 թ․), Սիրարփի Արմենի Խաչատրյան (ծնված 1994 թ․), Մարատ Կարենի Շահբազյան (ծնված 2018 թ․), Հրաչյա Ֆանբերգի Սարգսյան (ծնված 1976 թ.) և անձը չպարզված երկու դի։

Միաժամանակ, ճշգրտվել է որոնվողների թիվը` ՌԴ քաղաքացին այլևս չկա այդ ցանկում։ Այս պահին որոնվում է 8 անձ։

Որոնողափրկարարական աշխատանքները շարունակվում են։

Հիշեցնենք՝ «Սուրմալու» առևտրի կենտրոնում պայթյուն է տեղի ունեցել օգոստոսի 14-ին՝ մոտավորապես 13։23-ին։ Երևան քաղաքի ԲԿ-ներ են դիմել 60 քաղաքացիներ, որոնցից 7-ը շարունակում են բուժում ստանալ, իսկ մյուսները, ստանալով համապատասխան բուժօգնություն, դուրս են գրվել։