ՌԴ 11 օդանավակայանների թռիչքների սահմանափակումը երկարաձգվել է մինչև օգոստոսի 23-ը

Ինքնաթիռ
Սահմանափակող միջոցները գործում են ՌԴ հատուկ գործողությունների մեկնարկի պահից։
Sputnik
ԵՐԵՎԱՆ, 16 օգոստոսի – Sputnik. Դեպի ՌԴ հարավային և կենտրոնական հատվածների 11 օդանավակայաններ թռիչքների համար նախատեսված սահմանափակումների ռեժիմը երկարաձգվել է մինչև օգոստոսի 23-ը։ Տեղեկությունը հայտնում է Ռոսավիացիան։
Նշվում է, որ ժամանակավորապես սահմանափակվել են Անապայի, Բելգորոդի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի օդանավակայանների ուղղությամբ թռիչքները։
ՌԴ հարավային և կենտրոնական հատվածների օդանավակայաններ թռիչքներ իրականացնելու համար նախատեսված սահմանափակումների ռեժիմը գործում է փետրվարի 24-ից։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 174-րդ օրը։