«Փյունիկը» պարտվեց ու լքեց Չեմպիոնների լիգան, բայց կխաղա Եվրոպայի լիգայում

ԵՐԵՎԱՆ, 9 օգոստոսի – Sputnik, Խաչիկ Չախոյան. Հայաստանի չեմպիոն «Փյունիկը» 0։2 հաշվով պարտվեց «Ցրվենա Զվեզդային» Չեմպիոնների լիգայի որակավորման երրորդ փուլի պատասխան խաղում, և դիմակայությունում մրցակցին զիջեց 0։7 հաշվով։

Չեմպիոնների լիգայի որակավորման փուլի «Ցրվենա Զվեզդա» - «Փյունիկ» առաջին խաղից հետո հաղթողի հիմնական հավակնորդի հարցը հանվեց։ Երևանյան խաղում հաղթելը «Փյունիկի» համար շատ կարևոր էր ու անհրաժեշտ, բայց դիմակայությունը հաղթանակի հասնելը աներևակայելի հրաշք կլիներ։ Առաջին խաղում մենք տեսանք Սերբիայի չեմպիոնի բարձր կարգն ու թե ինչպիսի արագ և հնարամիտ ֆուտբոլիստներով է թիմը համալրված։ Սակայն զուտ հոգեբանական տեսակետից մեր չեմպիոնին հաղթանակն իհարկե կոգևորեր։ Չէ՞ որ Չեմպիոնների լիգային հրաժեշտ տալով` «Փյունիկը» չի ավարտում իր եվրոպական մրցաշրջանը. մեր թիմը ապահովել է եվրոպական աշունը նվազագույնը Կոնֆերենցիաների լիգայի խմբային փուլի մասնակցությամբ, և դեռ պարզ էլ չէ, թե կարող է արդյոք «Փյունիկը» հանդես գալ ոչ թե Կոնֆերենցիաների լիգայի, այլ Եվրոպայի լիգայի խմբային փուլում։

Շախմատային օլիմպիադան ավարտվեց. Հայաստանի տղամարդկանց հավաքականը դարձավ փոխչեմպիոն

Ինչ վերաբերում է «Ցրվենա Զվեզդայի» հետ պատասխան խաղին, ապա այն անհամեմատ զերծ էր լարվածությունից։ Չի կարելի ասել, որ «Փյունիկը» չէր ուզում համարժեք ռևանշի հասնել առաջին խաղում 0։5 հաշվով կրած պարտության դիմաց։ Միևնույն ժամանակ թիմը արդեն չէր էլ մտածում դիմակայությունում հաղթելու մասին։ Միակ նպատակը այս խաղում հաղթելն էր։ Ու «Փյունիկը» շատ լավ սկսեց հանդիպումը։ Լուկա Յուրիչիչը լրջորեն անհանգստացրեց մրցակցի դարպասապահին, բայց խաղի 29-րդ րոպեին մրցավարը մերոնց դարպասին VAR համակարգի օգնությամբ 11-մետրանոց նշանակեց։ Հետաքրքիր զուգադիպությամբ Բելգրադում Սերբիայի չեմպիոնը հաշիվը բացեց խաղի հենց 29-րդ րոպեին։ Բայց պատմության կրկնությանը խանգարեց Ստանիսլավ Բուչնևը, որը հետ մղեց Ալեքսանդր Կատայի հարվածը նշակետից։ Սակայն առաջին կեսի ավարտից երեք րոպե առաջ, նորից VAR-ի օգնությամբ մեր թիմի դարպասին նշանակվեց 11-մետրանոց, ու այս անգամ արդեն Բուչնևը չկարողացավ փրկել «Փյունիկին»։

1 / 4