Ավտոմեքենան ընկել է Աղստև գետը․ տուժածները երիտասարդներ են

ԵՐԵՎԱՆ, 6 օգոստոսի – Sputnik. «Infiniti QX» մակնիշի ավտոմեքենան ընկել է Աղստև գետը։ Տեղեկությունը հայտնում է ՀՀ արտակարգ իրավիճակների նախարարությունը։

Տավուշի մարզային ճգնաժամային կառավարման կենտրոնն ահազանգը ստացել է օգոստոսի 5-ին` ժամը 23։03-ին։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ ավտոմեքենան (վարորդ՝ Վ․ Ս․, ծնված 2003 թ.) դուրս է եկել ավտոճանապարհի երթևեկելի հատվածից և ընկել գետը։

Փրկարարներն ավտոմեքենայի վարորդին, ուղևորներ Ա․ Հ․-ին (ծնված 2002թ.) և Լ․ Գ․-ին (ծնված 2002թ.) դուրս են բերել գետից և մոտեցրել շտապօգնության մեքենային․ տուժածները հոսպիտալացվել են Իջևանի ԲԿ, որտեղ բժիշկները նրանց առողջական վիճակը գնահատել են բավարար: