Իրանում հորդառատ անձրևների հետևանքով առաջացած ջրհեղեղը սկսվել է հուլիսի 28–ից, Իմամզադե Դավուդ լեռնային շրջանում, որը գտնվում է Իրանի մայրաքաղաքից հյուսիս:
Զոհվել է առնվազն 80 մարդ, վիրավորվել է 30-ը։ Կան նաև անհետ կորածներ։
Իրանի ներքին գործերի նախարար Ահմադ Վահիդին հայտարարել է, որ ուժեղ անձրևների վտանգի մակարդակը հիմա էլ երկրում բարձր է։ Ամբողջ երկիրը գտնվում է բարձր պատրաստության վիճակում, մոբիլիզացվել են անհրաժեշտ հզորությունները բոլոր տարածաշրջանների համար։