ԵՐԵՎԱՆ, 29 հուլիսի – Sputnik. Նորվեգիան Ուկրաինային է փոխանցել VECO LAV III 14 զրահամեքենա։ Տեղեկությունը հայտնում է ՌԻԱ Նովոստին` հղում անելով Նորվեգիայի կառավարությանը։
Հուլիսի սկզբին Նորվեգիայի վարչապետ Յոնաս Գահր Ստյորեն այցելել էր Ուկրաինա և խոստացել, որ թագավորությունը երկրին կհատկացնի 10 միլիարդ կրոն (մոտ 10 միլիոն եվրո):
Ռուսաստանն ավելի վաղ ՆԱՏՕ-ի երկրներին բողոքի նոտա է հղել Ուկրաինային ռազմամթերք մատակարարելու համար։ ՌԴ ԱԳ նախարար Սերգեյ Լավրովը նշել է, որ ցանկացած բեռ, որն Ուկրաինայի համար ռազմամթերք կպարունակի, Ռուսաստանի համար օրինական թիրախ կդառնա։ ՌԴ արտաքին քաղաքական գերատեսչությունում հայտարարել են, որ ՆԱՏՕ-ի երկրները կրակի հետ են խաղում` Ուկրաինային ռազմամթերք մատակարարելով։
ՌԴ նախագահի մամուլի խոսնակ Դմիտրի Պեսկովն ընդգծել է, որ Արևմուտքի կողմից Ուկրաինային զենքի տրամադրումը չի նպաստում ռուս-ուկրաինական բանակցությունների հաջողությանը և բացասական ազդեցություն է թողնում։