ԵՐԵՎԱՆ, 28 հուլիսի – Sputnik. ՀՀ վարչապետի, փոխվարչապետի ու աշխատակազմի ղեկավարի ընդունարաններ տանող վերելակը կփոխարինվի։ Որոշումն ընդունվեց կառավարության նիստում։
Ըստ նախագծի` Կառավարական տուն 1 շենքում փոխվարչապետի (չի նշվում, թե ում մասին է խոսքը. խմբ.) և աշխատակազմի ղեկավարի ընդունարան տանող վերելակը ֆիզիկապես մաշված վիճակում է, ինչը հանգեցնում է վերելակի հաճախակի խափանումների և վթարների:
«Վերջինիս վերանորոգումը ժամանակատար է և տնտեսապես ոչ նպատակահարմար: Նոր վերելակ ձեռք բերելու նպատակով կազմակերպվել է գնման գործընթաց,- ասվում է նախագծում:
Ելնելով այդ ամենից` ՀՀ վարչապետի աշխատակազմի վարչական շենքը սպասարկող նոր վերելակ ձեռք բերելու նպատակով կառավարության պահուստային ֆոնդից կհատկացվի 21 516 000 ՀՀ դրամ։