Ռուբինյանը Ֆրանսիայի դեսպանի հետ խոսել է հայ–թուրքական հարաբերությունների ներկա վիճակից

ԵՐԵՎԱՆ, 27 հուլիսի – Sputnik. ՀՀ Ազգային ժողովի նախագահի տեղակալ Ռուբեն Ռուբինյանը հուլիսի 27-ին հանդիպել է Հայաստանում Ֆրանսիայի Հանրապետության արտակարգ և լիազոր դեսպան Անն Լույոյին: Տեղեկությունը հայտնում է ՀՀ ԱԺ մամուլի ծառայությունը։

Դեսպանի խնդրանքով ԱԺ փոխնախագահը ներկայացրել է Հայաստան-Թուրքիա հարաբերությունների կարգավորման գործընթացի ներկայիս վիճակը, անդրադարձել վերջերս ձեռք բերված պայմանավորվածություններին:

Քննարկվել են նաև տարածաշրջանային անվտանգությանն առնչվող մի շարք հարցեր: