ԵՐԵՎԱՆ, 27 հուլիսի – Sputnik. ԱՄՆ նախագահ Ջո Բայդենի մոտ կորոնավիրուսն ախտորոշող երկու թեստերի արդյունքն էլ եղել է բացասական։ Տեղեկությունը հայտնում է ՌԻԱ Նովոստին` հղում անելով Սպիտակ տան տարածած հայտարարությունը։
Բժիշկ Քևին Օ'Քոնորի որոշմամբ ԱՄՆ նախագահն այլևս ինքնամեկուսացված չէ, բայց կշարունակի պաշտպանիչ դիմակ դնել ուրիշների ներկայությամբ՝ նրանց վիրուսից պաշտպանելու համար:
Օ'Քոնորը նաև հայտնել է, որ Բայդենն ավարտել է Paxlovid դեղամիջոցով բուժման հնգօրյա կուրսը, հիվանդության ախտանիշները գրեթե ամբողջությամբ անհետացել են։
Նա հավելել է, որ հաշվի առնելով կորոնավիրուսի տարածման հավանականությունը՝ նախագահն ավելի հաճախ կթեստավորվի։