ԵՐԵՎԱՆ, հուլիսի 26 – Sputnik. Ավստրալիայի «Մենլի Սի Իգլզ» թիմի յոթ ռեգբիստներ հրաժարվել են մասնակցել խաղին ԼԳԲՏ տարբերանշանով մարզահագուստով՝ հղում անելով կրոնական ու մշակութային համոզմունքներին: Տեղեկությունը հայտնում է ՌԻԱ Նովոստին՝ վկայակոչելով NRL կայքին։
Թիմի նոր համազգեստի վրա սպիտակ գծերի փոխարեն հայտնվել են ծիածանի գույներով շերտեր՝ յաջակցություն ԼԳԲՏ համայնքի։
«Նրանք հուլիսի 28-ին չեն խաղա, ու մենք հարգում ենք նրանց որոշումը։ Այդ երիտասարդները կայուն են իրենց համոզմունքների մեջ, ու մենք կցուցաբերենք այն աջակցությունը, որի կարիքը նրանք ունեն»,- թիմի գլխավոր մարզիչ Դեսա Հասլերի խոսքը մեջբերում է NRL-ի կայքը։
NRL-ի ղեկավար Փիթեր Վ՛Լանդիսը ասել է, որ հարգում է իր խաղացողների որոշումը։
«Նրանք ունեն կրոնական ու մշակութային տարբերություններ, և Ավստրալիայի գեղեցկությունը սրանում է։ Մենք բոլորս ազատություն ունենք»,- ասել է Վ'Լանդիսը։
Մասնագետը միաժամանակ նշել է, որ ակումբը չի փոխի մարզահագուստի դիզայնը։