Չինական «Baidu» ինտերնետ-հսկան, միավորվելով «Geely»-ի հետ, 2021 թվականին որոշեց իր ուժերը փորձել ավտոմեքենաների շուկայում։ «Apollo RT6»-ը անվարորդ ավտոմեքենա է, որի վրա կրկնակի քիչ գումար է ծախսվել, քան դրա նախորդի, որը թողարկվել էր մեկ տարի առաջ։
«Apollo RT6»-ը ներկայացվել է «Baidu World 2022» տեխնոլոգիական համաժողովում։ Մեքենայի երկարությունը 4760 մմ է, լայնությունը՝ 1870 մմ, բարձրությունը՝ 1659 մմ։ Չափերով համեմատելի է B դասի մեքենաների հետ, բայց միաժամանակ ի վիճակի է C դասի մակարդակ ապահովել։
Նոր մեքենան համալրված է 38 տարբեր տվիչներով, այդ թվում՝ միլիմետրանոց դիապազոնի վեց ռադարներով, 12 ուլտրաձայնային ռադարով և 12 տեսախցիկով։ Անվարորդ համակարգը ինքնավարության չորրորդ մակարդակ ունի (L4) և, ինչպես կազմակերպությունում են պնդում, իր ունակություններով համեմատելի է 20 տարվա փորձով վարորդի հետ։
«Apollo RT6»-ի սերիական արտադրությունը պետք է սկսվի արդեն մոտ ապագայում, իսկ հաջորդ տարվա երկրորդ կեսին «Baidu»–ն կսկսի նոր անվարորդների փորձարկումը՝ սեփական «Robotaxi» հարթակի հիմքով։