ԵՐԵՎԱՆ, 18 հուլիսի – Sputnik. Հացահատիկի խնդրի շուրջ Թուրքիայի, Ռուսաստանի, Ուկրաինայի և ՄԱԿ-ի պատվիրակությունների հանդիպումը կկայանա այս շաբաթ Թուրքիայում։ Այս մասին լրագրողներին հայտնել է երկրի ազգային պաշտպանության նախարար Հուլուսի Աքարը։
Ավելի վաղ Ստամբուլում բանակցություններ են կայացել Թուրքիայի, Ռուսաստանի, Ուկրաինայի ռազմական պատվիրակությունների և ՄԱԿ-ի պատվիրակության միջև «հացահատիկի հարցի» կարգավորման շուրջ։
Ինչպես նշել էր ՌԻԱ Նովոստիի աղբյուրը, Թուրքիայի, Ռուսաստանի Դաշնության, Ուկրաինայի և ՄԱԿ-ի պատվիրակությունների նոր հանդիպման նախնական ժամկետը հացահատիկի հարցով հուլիսի 20-21-ն է։ Սև ծովից հացահատիկով նավերի դուրսբերման մասին համաձայնագրի ստորագրման համար կան տեխնիկական մանրամասներ։
Ռուսաստանը փետրվարի 24-ին ռազմական գործողություն է սկսել Ուկրաինայում։ Նախագահ Վլադիմիր Պուտինը դրա նպատակն անվանել է «Դոնբասի մարդկանց պաշտպանությունը, ովքեր ութ տարի շարունակ ենթարկվել են Կիևի ռեժիմի կողմից բռնությունների և ցեղասպանության»:
Դրա համար, ըստ նրա, նախատեսվում է իրականացնել «Ուկրաինայի ապառազմականացում և ապաազգայնացում», պատասխանատվության ենթարկել բոլոր ռազմական հանցագործներին, ովքեր պատասխանատու են Դոնբասում քաղաքացիների դեմ արյունալի հանցագործությունների համար։