Լևոն Արոնյանը հաղթել է շախմատի օնլայն մրցաշարում

ԵՐԵՎԱՆ, 18 հուլիսի - Sputnik. Հայաստանի հավաքականի նախկին առաջատար, ԱՄՆ-ի ներկայացուցիչ Լևոն Արոնյանը նվաճել է արագ շախմատի FTX Road to Miami օնլայն մրցաշարի հաղթողի կոչումը։

Եզրափակիչում նա մրցեց չինացի Յի Վեյի հետ ու երկու սեթում էլ հասավ հաղթանակի։

Հուլիսի 16-ին անցկացված առաջին սեթում Լևոն Արոնյանն առավելության էր հասել 4 պարտիայում՝ 2,5:1,5: Երեք ոչ ոքիից հետո Արոնյանը չորրորդ պարտիայում հասել էր հաղթանակի։

Հիշեցնենք, որ կիսաեզրափակիչում Արոնյանը հաղթել էր լեհ Յան-Կշիշտոֆ Դուդային՝ 3:1: Յի Վեյը 2,5:0,5 հաշվով պարտության էր մատնել հունգարացի Ռիչարդ Ռապորտին։

FTX Road to Miami-ն Meltwater Champions Chess Tour-ի հերթական փուլն էր, որի մրցանակային հիմնադրամը 150 հազար դոլար էր։