ԵՐԵՎԱՆ, 16 հուլիսի – Sputnik. Գիշերն Աբովյան քաղաքում ավտոմեքենա է այրվել։ Վարորդին հոսպիտալացրել են։ Տեղեկությունը հայտնում է ՀՀ ԱԻՆ մամուլի ծառայությունը։
Նշվում է, որ ահազանգն Արմավիրի մարզային ճգնաժամային կառավարման կենտրոնում ստացել են հուլիսի 16-ին` ժամը 01:11-ին, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
«Պարզվել է, որ «Nissan Bluebird» մակնիշի ավտոմեքենան (վարորդ՝ Տ․ Գ․, ծնված 1974 թ.) դուրս է եկել ճանապարհի երթևեկելի հատվածից, բախվել մոտակա տան բետոնե պարսպին և բռնկվել․ վարորդը հոսպիտալացվել է Արմավիրի ԲԿ»,–ասվոմ է ԱԻՆ հաղորդագրության մեջ:
Հրդեհը մեկուսացվել է ժամը 01:23-ին, մարվել՝ 01:28-ին: Այրվել է ավտոմեքենայի շարժիչի հատվածը՝ մասամբ:
Փրկարարները սահմանազատել են տարածքը, հոսանքազրկել ավտոմեքենան և փակել գազի բալոնի փականը: