ԵՐԵՎԱՆ, 13 հուլիսի – Sputnik. Արարատի մարզի Կանաչուտ գյուղում ավտոմեքենա է այրվել, հայտնում է ԱԻՆ մամուլի ծառայությունը։
Ճգնաժամային կառավարման ազգային կենտրոնում դեպքի մասին ահազանգը ստացվել է այսօր ժամը 09։44-ին։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ֊փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Սարգսյան փողոցում կայանած «GAZel» մակնիշի ավտոմեքենայում:
Հրդեհը մեկուսացվել է ժամը 10:01-ին, մարվել՝ 10:27-ին: