Ծիածան գյուղում այրվել է էլեկտրական ենթակայան

ԵՐԵՎԱՆ, 11 հուլիսի – Sputnik. Ծիածան գյուղում այրվել է էլեկտրական ենթակայան: Տեղեկությունը հայտնում է ԱԻՆ մամուլի ծառայությունը։

Նշվում է, որ հրդեհի մասին այսօր` ժամը 11։11-ին Արմավիրի մարզային ճգնաժամային կառավարման կենտրոն ահազանգ է ստացվել։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Հրդեհը մեկուսացվել է ժամը 11:30-ին, մարվել՝ 11:41-ին: Այրվել է էլեկտրական ենթակայան (մոտ 30 քմ):