ԵՐԵՎԱՆ, 11 հուլիսի – Sputnik. Ռուսաստանի նախագահ Վլադիմիր Պուտինը ԴԺՀ-ում, ԼԺՀ-ում և Ուկրաինայում մշտապես բնակվող անձանց համար ՌԴ քաղաքացիություն ստանալու պարզեցման հրամանագիր է ստորագրել: Համապատասխան փաստաթուղթը հրապարակվել է իրավական տեղեկատվության պաշտոնական հարթակում։
«Հաստատել, որ Ուկրաինայի, Դոնեցկի Ժողովրդական Հանրապետության կամ Լուգանսկի Ժողովրդական Հանրապետության քաղաքացիները և քաղաքացիություն չունեցող անձինք, որոնք մշտապես բնակվում են Դոնեցկի Ժողովրդական Հանրապետության, Լուգանսկի Ժողովրդական Հանրապետության կամ Ուկրաինայի տարածքում, այդ թվում՝ նախկինում Ռուսաստանի Դաշնության քաղաքացիություն ունեցած անձինք, որոնք սահմանված կարգով հրաժարվել են դրանից, կարող են դիմել պարզեցված կարգով ՌԴ քաղաքացիություն ստանալու համար»,– ասված է փաստաթղթում։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 138-րդ օրը։