ԵՐԵՎԱՆ, 9 հուլիսի – Sputnik. Ամերիկահայ հեռուստաաստղ Քիմ Քարդաշյանի և ռեփեր Քանյե Ուեսթի ավագ դուստրը՝ Նորթը, որը մոր հետ Փարիզում մասնակցել է Ժան Պոլ Գոտյեի ցուցադրությանը, յուրահատուկ ձևով բողոք է հայտնել լրագրողներին ու լուսանկարիչներին։
Նշենք, որ Քիմ Քարդաշյանն ու Նորթը նորաձևության շոուի գլխավոր աստղերից են։
Համացանցում տարածված տեսանյութում երևում է, որ պապարացիներն ու լրագրողներն առանց դադարի լուսանկարում են աստղային ընտանիքին։ Երբ լրագրողները տեսախցիկները Նորթի կողմ են ուղղում, նա «Ստոպ» (STOP) գրությամբ թուղթ է բարձրացնում։
Նրա արարքը բուռն քննարկման թեմա է դարձել սոցցանցերում։ Աղջկա համարձակությունը շատերին է դուր եկել։
Քիմ Քարդաշյանը դստեր վարքագծի մասին խոսել է լրագրողների հետ։
Նրա խոսքով` Նորթին պարզապես դուր չի եկել, որ իրեն այդքան հաճախ են լուսանկարում, այդ պատճառով նա իր հրավիրատոմսի վրա գրել է «Ստոպ», որպեսզի մարդիկ կենտրոնանան շոուի վրա։