ԵՐԵՎԱՆ, 7 հուլիսի – Sputnik. «Զինվորի տուն» վերականգնողական կենտրոնում բուժում ստացող տղաներից ևս 11-ը աշխատանքի են անցել ավիացիայի ոլորտում։ Տեղեկությունը ֆեյսբուքյան իր էջում հայտնել է Երևանի պետական բժշկական համալսարանի ռեկտոր Արմեն Մուրադյանը։
«Զինվորի տան և քաղավիացիայի կոմիտեի գործակցության արդյունքում այս անգամ մեր տղաներից 7-ն ընդունվել են ավիացիոն անվտանգության, 4-ը՝ հաշվառման բաժին»,– նշել է Մուրադյանը։
Ծրագրի շնորհիվ Զինվորի տան տղաներից գրեթե 30-ն արդեն աշխատում են «Զվարթնոց» միջազգային օդանավակայանում և ավիացիայի ոլորտի տարբեր բաժիններում: