ԵՐԵՎԱՆ, 7 հուլիսի – Sputnik. Հարավային ռազմական օկրուգի (ՀՌՕ) ռազմաբազայի ավիացիոն ստորաբաժանման Մի-8ՄՏՎ-5 և Կա-52 ուղղաթիռների անձնակազմերը ուսումնական թռիչքներ են իրականացրել Հայաստանի բարձր լեռնային տեղանքում։ Տեղեկությունը հայտնում է ՀՌՕ մամուլի ծառայությունը։
Օդաչուներն առաջադրանքները կատարել են ցերեկային և գիշերային ժամերին տարբեր բարձրություններում, այդ թվում՝ «Ալագյազ» և «Կամխուդ» զորավարժարանների հատվածում։
Բացի այդ, ուղղաթիռների անձնակազմերը որոնողափրկարարական աշխատանքներ են իրականացրել բարձրլեռնային գոտում, տարհանել պայմանական վիրավորներին, մշակել Հարավային ռազմական օկրուգի ռազմաբազայի զինծառայողների հետ գործակցությունը։
Ուսումնական թռիչքներում ներգրավվել են Հարավային ռազմական օկրուգի ավիաբազայի ավելի քան 150 զինվորականներ և շուրջ 15 միավոր տեխնիկա։