ԵՐԵՎԱՆ, 7 հուլիսի - Sputnik. Տեղի է ունեցել Հավաքական անվտանգության պայմանագրի կազմակերպության մշտական խորհրդի նիստը՝ ՀԱՊԿ-ում Հայաստանի մշտական ներկայացուցիչ Վիկտոր Բիյագովի նախագահությամբ։ Այս մասին հայտնում է ՀԱՊԿ մամուլի ծառայությունը։
Հանդիպման ընթացքում քննարկվել և վերջնական տեսքի է բերվել ՀԱՊԿ Հավաքական անվտանգության խորհրդի «Հավաքական անվտանգության պայմանագրի կազմակերպության ճգնաժամային արձագանքման համակարգի մշակման միջոցառումների մասին» որոշման նախագիծը։ Որոշվել է նախագիծն ուղարկել ներքին հաստատման։
ՀԱՊԿ-ի կազմում են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը։ Հայաստանն այս տարի նախագահում է կազմակերպությունը։