Եթե Բորիս Ջոնսոնը պաշտոնավարեր ևս 17 օր, կլրանար նրա` Մեծ Բրիտանիայի վարչապետ լինելու 3 տարին։ 2019 թ-ի հուլիսի 24-ին Ջոնսոնը ստանձնեց վարչապետի պաշտոնը։
Այսօր հայտնի դարձավ, որ մոլորակի ամեաէքսցենտրիկ քաղաքական գործիչներից մեկը` Բորիս Ջոնսոնը, հրաժարական է տալիս։
Ի դեպ, Մեծ Բրիտանիայի վարչապետը ևս լրագրող է եղել։ Նա աշխատել է Daily Telegraph-ում, համագործակցել է BBC-ի հետ, եղել է «Spectator» ամսագրի խմբագիրը։
Մեծ Բրիտանիայի վարչապետի կենսագրության մեջ գրված է, որ նրա հորական նախապապը հայտնի թուրք լրագրող Ալի Քեմալն է եղել։ Իսկ ինքը` Ջոնսոնը, ծնվել է Նյու Յորքում, ունեցել է և՛ ԱՄՆ, և՛ Բրիտանիայի քաղաքացիություն։
Լրագրողական կարիերան ավարտելուց հետո Ջոնսոնը մտել է քաղաքականություն։ Արդեն 2008–ին նա Լոնդոնի քաղաքապետն էր և պաշտոնավարել է 8 տարի։ 2016–ին դարձել է Մեծ Բրիտանիայի արտաքին քաղաքական գերատեսչության ղեկավարը։
58–ամյա վարչապետի հրաժարականի օրը Sputnik Արմենիան ներկայացնում է նրա ֆոտոշարքը` կյանքի տարբեր իրավիճակներում։