ԵՐԵՎԱՆ, 4 հուլիսի – Sputnik. Թուրքիայում տարեկան գնաճը հունիսին հասել է 78,62%–ի` մայիսին գրանցված 73,5%–ի դիմաց։ Տեղեկությունը հայտնում է Թուրքիայի վիճակագրության ինստիտուտը։
Նշվում է, որ մեկ ամսում սպառողական գնաճը 4,95% է կազմել։
Ավելի վաղ Թուրքիայի ֆինանսների նախարար Նուրեդին Նեբաթին կանխատեսել էր, որ մինչև 2022 թվականի ավարտը գնաճը կլինի 48-49% մակարդակում։ Ըստ նրա` 2023 թվականի վերջին այդ ցուցանիշը կնվազի մինչև 19,9%։ Նախարարի խոսքով` կարճաժամկետ հեռանկարում տոկոսադրույքի փոփոխություն չի դիտարկվում։