ԵՐԵՎԱՆ, 4 հուլիսի – Sputnik. Վաղը` հուլիսի 5–ին, ժամը 14։00-ից Երևանի Դինամո մարզահամալիրում կմեկնարկի Հայաստանի բռնցքամարտի ավագ տարիքի պատանիների առաջնությունը, որին կմասնակցի մոտ 190 մարզիկ։ Տեղեկությունը հայտնում է Հայաստանի բռնցքամարտի ֆեդերացիան
Նշվում է, որ այսօր կայացել է վիճակահանությունը, որով հայտնի է դարձել, թե ովքեր են իրար հետ մրցելու։
Առաջնության արդյունքների հիման վրա կձևավորվի Հայաստանի հավաքականը, որը կմասնակցի Իտալիայում կայանալիք Եվրոպայի առաջնությանը։