Հայկական դեսանտը «Рязань-ВДВ»-ում. Հայկ Կիրակոսյանը՝ կին և տղամարդ դարպասապահների մասին

2014/15 թվականներին Հայկ Կիրակոսյանը մասնակցեց ՈւԵՖԱ-ի կողմից անցկացվող մարզչական դասընթացներին ու ստացավ տարածաշրջանային հրահանգչի որակավորում։ Ութ տարի դասավանդել է ՀՖՖ-ի կողմից կազմակերպված մարզչական որակավորման դասընթացներում։ Նրա առավել ճանաչված սաներից են դարպասապահներ Արման Մելիքսեթյանն ու Գոռ Մանուկյանը։ 2021 թվականին հմուտ մասնագետը ընդունեց ռուսական «Ռյազան-ՎԴՎ» կանանց թիմի առաջարկն ու այժմ աշխատում է այնտեղ։

Sputnik Արմենիայի հետ զրույցում Հայկ Կիրակոսյանը ներկայացրել է մարզչական կարիերայի ուշագրավ մանրամասները։

-2021 թվականին ես ինքնակամ հեռացա «Փյունիկից»։ Մի քանի ամիս աշխատեցի «Սարդարապատ» ակումբում, ապա գործակալս տեղեկացրեց, որ առաջարկ կա Ռուսաստանից. քննարկելով աշխատանքային պայմանները՝ տեղափոխվեցի «Ռյազան-ՎԴՎ»։

-Ես 16 տարի հավատարիմ եմ մնացել իմ ակումբին՝ «Փյունիկին»։ Ինչ-որ կոնկրետ պատճառ չեմ նշի, պարզապես կասեմ, որ յուրաքանչյուր մարդու համար գալիս է մի պահ, երբ պետք է փոխի աշխատավայրը։ Ինձ մոտ էլ եկավ այդ պահը։

-Ոչ։ Ոչ մի առաջարկ, ես որոշ ժամանակ նույնիսկ անգործ էի։

-Ֆիզիկական առումով համաձայն եմ, որ տարբերություն կա, բայց շատ քիչ։ Տղամարդկանց ու կանանց, մասնավորապես՝ դարպասապահների միջև տարբերությունը էական է հոգեբանական առումով։ Ես շատ ժամանակ եմ ծախսում ու վատնում աղջիկների հետ զրուցելու վրա։ Բայց աղջիկներն էլ տղաների համեմատ ավելի շատ են նվիրվում իրենց գործին։ Լրիվ այլ մոտեցում է մարզումներին ու խաղերին։ Իմ աշխատանքային սկզբունքներից մեկն այն է, որ ես պետք է մտնեմ դարպասապահի ուղեղի մեջ։ Ում հետ որ չի հաջողվում, ես իմ աշխատանքը բավարար չեմ համարում։

- Թիմը համալրված է փորձառու ու բարձրակարգ ֆուտբոլիստներով։ Ռուսաստանի առաջնությունում հիմա խաղում ենք առանց մեր առաջատար մի շարք ֆուտբոլիստների, որոնք վնասվածքի պատճառով չեն դուրս գալիս խաղադաշտ։ Բացի այդ, նախորդ մրցաշրջանից հետո, 11 ֆուտբոլիստներ հեռացել են թիմից։ Սերնդափոխություն է ընթանում։ Այդ պատճառով էլ արդյունքներն այնքան էլ գոհացուցիչ չեն։

- Մարզչի համար ամենակարևորը իր սաների առաջընթացն է։ Ներկայումս մեկնարկային կազմում խաղում է Մարինա Ժամանակովան, Վիոլետա Իսայկինան է մեր թիմում, որը Ռուսաստանի մինչև 19 տարեկան կանանց հավաքականի ավագն է։ Հիմա էլ Ռուսաստանի կանանց ազգային հավաքականի գլխավոր մարզիչ Յուրի Կրասնոժանը Իսայկինային հրավիրել է ազգային հավաքական։ Մարզումների մեջ ընդգրկել ենք նաև հեռանկարային երկու պատանի դարպասապահների։

-Ինձ համար տարբերություն չկա։ Ես մի բառ գիտեմ՝ ֆուտբոլ։ Սրանով ամեն ինչ ասված է։ Ինձ համար կարևորը դարպասապահների աշխատանքն է։

- Յուրաքանչյուր դարպասապահ, համապատասխան ու ճիշտ աշխատելու դեպքում, կարող է գնահատվել որպես հավաքականի անդամ դառնալու թեկնածու։ Ես կտրականապես դեմ եմ, որ Դավիթ Յուրչենկոն փոխարինող չունի Հայաստանում։ Ես վստահ եմ, որ Գոռ Մանուկյանը, Հենրի Ավագյանը, Արման Մելիքսեթյանը, Արման Ներսիսյանը ճիշտ աշխատանքի դեպքում կարող են հասնել շատ բարձր մակարդակի։ Ես հիշում եմ, որ Լիտվայի հետ ընկերական խաղում Գոռ Մանուկյանը նունիսկ խաղի ընթացքում ոտքը վիրակապեց, շարունակեց խաղալ ու մի քանի հիանալի սեյվ կատարեց։ Իսկ խաղից հետո պարզվեց, որ խաչաձև կապանների լուրջ վնասվածք է ստացել։ Այսինքն, մարտիկի բնավորություն ունի այս տղան։

Հարցազրույցի վերջում Հայկ Կիրակոսյանը նշեց, որ Հայաստան վերադառնալն ու աշխատելը կապված է առաջարկ լինելու հետ։