ԵՐԵՎԱՆ, 3 հուլիսի - Sputnik. Ուկրաինական կողմի Բելգորոդին հասցրած հարվածի հետևանքով 3 մարդ է զոհվել։ Այս մասին հայտնել է Բելգորոդի մարզի մարզպետ Վյաչեսլավ Գլադկովը։
«Տուժածներն այս պահին չորսն են, այդ թվում` 10 տարեկան երեխա։ Նրանցից մեկըհիմա ծանր վիճակում է։ Եվս երկու մարդու տեղում են հետազոտել։ Բժշկական անհրաժեշտ օգնությունը ցուցաբերվում է։ Այս պահին տեղեկատվություն կա երեք զոհի մասին»,-գրել է նա իր Telegram-ալիքում։
Բելգորոդում ուկրաինական կողմի հարվածների հետևանքները
© Sputnik
Ավելի վաղ Գլադկովը հայտնել էր, որ Բելգորոդում բարձր ձայներ են լսվել, այրվել է Մայակովսկու փողոցի թիվ 23 սեփական տունը, տուժել է երեք մարդ, որոնց արդեն բուժօգնություն են ցուցաբերում։
Բացի այդ, մարզպետի խոսքով, հարվածի հետևանքով ավերվել է առնվազն 39 բնակելի սեփական տուն Բելգորոդ քաղաքի Մայակովսկու, Պոպովի, Պավլովի փողոցներում, դրանցից հինգը ամբողջությամբ ավերվել են, ևս 11 բազմաբնակարան շենք վնասված են։
Բելգորոդում ուկրաինական կողմի հարվածների հետևանքները
© Sputnik / Антон Вергун / Пресс-служба губернатора Белгородской области
Մարզի ղեկավարը հայտնել էր նաև, որ տեղի ունեցածի պատճառները պարզվում են, ենթադրվում է ՀՕՊ է աշխատել։ ՌԻԱ Նովոստիի թղթակցի փոխանցմամբ Պոպովի և Մայակովսկու հարևան փողոցներում բազմաբնակարան շենքերում և մասնավոր տներում վնասվել են պատուհանները և որոշ ավտոմեքենաներ։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 130-րդ օրը։