ԵՐԵՎԱՆ, 3 հուլիսի – Sputnik. Ուկրաինական զորքերը հրետակոծել են Դոնեցկի Ժողովրդական Հանրապետությունում Սլավյանսկ քաղաքի բնակելի թաղամասերը, որպեսզի հետո մեղադրեն ՌԴ ԶՈւ-ին: Այս մասին հայտնել է ՌԴ պաշտպանության վարչության ազգային կենտրոնի պետ, գեներալ-գնդապետ Միխայիլ Միզինցևը:
Միզինցևը հայտնել է, որ գնդակոծությունից մի քանի րոպե անց արդեն դեպքի վայրում աշխատելիս են եղել ուկրաինական ԶԼՄ-ների թղթակիցները, որոնք ֆիքսել են քաղաքացիական բնակչությանը ռուսական զինված ուժերի իբր անխնա հարվածների հետևանքների լուսանկարներն ու տեսագրություններ արել:
Նա ընդգծել է, որ «մոտակայքում գտնվող» ուկրաինացի լրագրողների այդպիսի արագ ժամանումը վկայում է, որ այդ ցինիկ սադրանքի սցենարը կանխամտածված է եղել:
Միզինցևը հիշեցրել է, որ հատուկ ռազմական գործողության ընթացքում ՌԴ ԶՈւ-ն «քաղաքացիական ենթակառուցվածքի օբյեկտներին հարվածներ չի հասցնում և բացառապես մարդասիրաբար է վերաբերվում խաղաղ բնակչությանը»:
Նա հայտնել է նաև, որ ուկրաինացի զինվորականները Կոնստանտինովկայի (ԴԺՀ) բնակելի շենքերում կահավորել են կրակահերթեր, իսկ մանկական հրապարակներում տեղադրել են հաուբիցներ և այլ զրահատեխնիկա:
Ուկրաինական ազգային բիատալիոնների անդամները ականապատել են օտար լեզուների ինստիտուտի և ԴԺՀ-ի Բահմուտ քաղաքի ՔԿԱԳ բաժնի մուտքերը, զբաղեցրել են այդ շինությունները, իսկ մոտակայքում տեղակայել զրահատեխնիկա: Բացի այդ, Ուկրաինայի ԶՈւ-ն Խարկովի տեխնիկական վարժարանում է տեղակայել հենակետ, տեղադրել զրահատեխնիկա և հրետանի:
Գեներալի տվյալներով՝ անցած օրվա ընթացքում առանց ուկրաինական կողմի մասնակցության Ուկրաինայի վտանգավոր շրջաններից և Դոնբասի հանրապետություններից ՌԴ տարածք է տարահանվել 29 252 մարդ, այդ թվում ՝ 3922 երեխա:
Միզինցևը նաև նշել է, որ ռուս սակրավորները ԼԺՀ-ի և ԴԺՀ-ի տարածքում վնասազերծել են գրեթե 45 հազար պայթուցիկ առարկա:
«Ընդհանուր առմամբ ստուգվել է 3 704,08 հեկտար տարածք, 35 շենք (դրանցից 13-ը սոցիալական նշանակության կարևոր օբյեկտներ են), երկու կամուրջ և 9,64 կմ ճանապարհ։ Հայտնաբերվել և վնասազերծվել է 44 758 պայթուցիկ նյութ»,-ասել է գեներալը։
Նա հավելել է, որ ՌԴ-ն պատրաստել է ավելի քան 42 հազար տոննա առաջին անհրաժեշտության իրեր, սննդամթերք, դեղորայք և բժշկական ապրանքներ, Ուկրաինա և Դոնբասի Հանրապետություն է հասցվել գրեթե 40 հազար տոննա մարդասիրական օգնություն:
Հիշեցնենք` փետրվարի 24-ի վաղ առավոտյան
Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 129-րդ օրը։