ԵՐԵՎԱՆ, 3 հուլիսի – Sputnik. Իսպանացի 9-ամյա Կառլոսը La Voz kids (Մանկականձայնը) նախագծի ժամանակ կատարել է «Մանկական Եվրատեսիլ 2019» երգի միջազգային մրցույթում Հայաստանը ներկայացնող Կարինա Իգնատյանի երգը։
Կառլոսը ծնունդով Վալենսիա քաղաքից է և մասնակցում է Իսպանիայի La Voz kids նախագծին։ Ժյուրիի անդամները հետաքրքրվում են փոքրիկից, թե երաժշտական ինչ նախասիրություններ ունի, ինչին Կառլոսը պատասխանում է, որ տարբեր ոճերի երգեր է լսում և կատարում։
«Տարբեր լեզուներով էլ եմ սիրում երգել, օրինակ` անգլերեն և հայերեն»,– ասում է Կառլոսը։
Դրանից հետո ժյուրին խնդրում է նրան հայերենով մի երգ կատարել ու հնչում է Կարինա Իգնատյանի «Colors of your dream» երգը։
Կարինան Հայաստանը «Եվրատեսիլում» ներկայացրել է 2019 թվականին և զբաղեցրել է 9-րդ հորիզոնականը։